E-Journal, 2016-2017
S S S S 四蛇 四蛇～～
Ginger
Le幾個月相信對我黎講真係我le一世人入面數一數二嘅重要回憶。由傾莊成莊到真係上左莊，出現左我好多嘅第一次。第一次通宵整dec、第一次去工展會喪m珍珠板同紙皮、第一次唔要面子狂yo人、第一次chanting chant到出唔倒聲chant 到發燒。講真果句，連我自己都唔知原來我做得出同做得到le D野。可能其他人會覺得上莊係浪費時間，燃燒gpa，倒錢落海。的確，佢地講嘅野係岩嫁，但起碼我覺得值得。因為上莊令我更容易識倒一班好好嘅莊員，雖然有時一齊做野好多時會有分歧，但係真正嘅友誼唔係就係要經歷更多先會變得堅固咩？而家作為p嘅我有一班禁好禁做得野嘅莊員唯一要做嘅野就係要維持好每個莊員之間的關係令大家對支莊更有歸屬感。我都知我有時可能係安排野嘅時候連自己都有d亂所以我真係好多謝各位莊員對我嘅包容，但我會繼續努力安排得更好。因為，博盡無悔！ 齊人上莊齊人落莊！！大家一齊努力吧！
Ben
由準備pro p到pro p大約2個月入面，當中都記得通頂左幾多晚，真係好辛苦…不過辛苦嘅又點止我一個人呢？仲有一直喺我身邊嘅一班莊員，由大家一齊去收集物資、整dec、去到pro p期間，大家一齊經歷過唔少開心同唔開心嘅事，但一聽到好多人讚我地啲遊戲整得又靚又好玩，並且最後由各會員投下對我地信任嘅一票，令我地成功當選，我知道我地嘅辛苦並冇白費到。
Pro p 入面令我最深刻嘅，就係由我負責嘅大dec—彩蛇。當初只係諗住幫手設計，但點知我地嘅pro sec Catherine突然話大dec就交俾我負責啦，當時個心離一離，心諗：「唔係掛？將咁重要嘅野交俾我？」當時經常懷疑緊自己有冇呢個能力做出來，慶幸最後大dec喺冇用角鐵之下仲可以喺atrium企足10個日夜冇倒塌落來。感謝各位莊員對我嘅信任，以及認同，真係好感激佢地，令我可以展示自己嘅能力出來。
Rachel
Pro p一眨眼就過去左，能夠完成呢一件壯舉，我為每一個莊員感到驕傲。
由岩岩開始傾莊、到成莊、到落手落力籌備pro p，短短三個月就好似我地由陌界路人成為莊員。我唔會唔記得一齊dec野dec到凌晨，唔會忘記大家不顧面子落力yo人，唔會忘記大家係寒風中dem cheers時嘅熱血......呢啲一切都係屬於我地Synergy嘅回憶，一段苦中帶甜的回憶。
好開心我地宜家已經成功上莊，而我地嘅努力總算得到其他人嘅肯定。我好希望我地能夠一條心，互相配合，繼續為四蛇效力。雖然我地每個人都有唔同嘅性格，難免會「火星撞地球」，但我希望大家唔好忘記當初決定上莊嘅熱誠，遇到困難唔係互相指責，而係一齊尋求解決辦法。作為社會服務團，我希望Synergy能夠為科大、呢個社會帶黎愛，令每一個人都感到被愛同埋受尊重，就由我地莊內開始散播愛啦好嗎？呢個係我一個小小嘅願望。
Synergy加油！四蛇加油！
Cassandra
Pro P對於每個莊員黎講都係一個好大既考驗，捱更抵夜咁預備dec同遊戲，務求將每件
事做到最好。個陣我地每日不眠不休咁做野，為chanting用力嗌，為counter通宵dec，
當中過程有笑有淚，或者我地真係好辛苦，但呢D咁不可多得既經驗令我感受到成支
莊既團結同決心 。好感激一班莊員咁盡力為pro P付出，令Pro P成為左一個好珍貴既回
憶，亦成為左青春既一個印記。
啱啱上左莊，有排山倒海既事等住我地處理，少不免會有壓力，大家要撐住呀！我地
要加油散播四蛇精神，為社會付出同服務。
莊員們，希望黎緊我地都會繼續warm落去，繼續四蛇有愛！
Shantell
由pre pro p 到依家，唔經唔覺已經幾個月啦，當中有苦有樂，有淚有笑，好多謝synergy，我永遠都唔會忘記我地嘅回憶點滴:工展會， 嘔心瀝血機， chanting， Agm… 明明好攰都要自chur通宵整dec，明明好眼瞓都堅持每朝8:30開counter，明明已經失聲都繼續帶chant…
有人話上莊係燃燒緊自己嘅青春,燃燒緊GPA，冇錯，上莊依條路的確係辛苦，但當中嘅經驗同回憶係無價，我真係好感激沿途有依班莊員陪住我，一齊chur，一齊進步，更加要多謝嘅係一直支持synergy嘅所有人，包括上莊，四蛇members，甚至嚟過我地counter嘅每一位， 希望之後大家可以繼續支持四蛇！
Austin
Jeffrey
Pro P可以話係自己人生中最瘋狂最Chur嘅兩個月，每晚通宵整Dec，Chanting chant到失哂聲，仲要好唔要面咁不停yo人......雖然當中嘅辛酸幾頁紙都講唔哂，但係換嚟嘅係滿足感，難忘嘅經驗同一班好「麻煩」嘅莊員。唔知大家有冇feel到呢，但係我覺得自己經過呢個Pro P之後變左好多，由以前一個聲都唔出，咩都唔玩嘅摺友，變成一個多左嘢講，仲調返轉頭逼人玩function嘅四蛇仔。好開心行出左改變自己嘅第一步，搏盡無悔！
不過講咁多，其實最開心都係識到一班麻煩莊員，雖然有啲時候會意見不合，有啲時候又會激到你死，Pro P時期日見夜見有時都會厭，但係十三個莊員就係大家嘅精神支柱，係大學裡面最好嘅朋友，佢地可能會令到你喊，但係會令你笑得更開心。近排趕proposal同搞function都有啲辛苦，但係希望之後大家都可以支持落去，為四蛇搞好每一個function。一日莊員一世莊員，齊人上莊齊人落莊！
幾時都話，要你玩多次Pro P，一定無人肯，但係佢會成為你人生中其中一段最懷念，最開心嘅回憶。
Jamky
有人話，Pro P係上莊以黎一年幾既時間入面最chur。Pro P，美其名係宣傳，事實係挑戰人類既極限。
仲記得，我地一月開始準備Pro P果陣由0 idea，去到最後搞得幾成功丶令科大人讚不絕口，而家諗番起，都會有啲質疑自己既能力。當中經歷左唔少開心同唔開心既事。但，一齊已經係會員投票比我地果刻完結。非常多謝投我地信任一票既人，至於棄票同不信任票，亦都係一個又一個既機會比我地反思丶改進。要知道，冇人完美嘛。
莊就上左喇。黎緊一年，希望synergy 13個人可以繼續保持pro p果股熱誠，將所有活動搞到盡心無愧，咁先可以對得住當日投票比我地既人。
每個人既性格都唔同，先做就左獨一無二既我地。上莊，一班人一齊做野，總會有摩擦，要識得互相體諒先至可以保持到大家既友誼，否則就會冇左大家一開始對上莊既期望。
係呢段GM時期，大家都有好多野做仲要兼顧學業，少不會有壓力。 有咩可以坦誠講出黎，唔好一個死頂，莊員之間點都會比到動力你去解決問題既☺
愛，係四蛇既標誌。
時間過得真系快……唔經唔覺由pre pro p到pro p,再到依家正式上莊，搞第一個function，原來系不知不覺間，我同埋咁多位莊員己經經歷左咁多野……
一齊系common到整dec，pro p個陣一齊通宵整dec起counter，個陣嘅事實在系唔敢忘記。到依家，我仲記得pro p第一日飲左杯好甜好好飲嘅咖啡，到依家我仲記得chanting時chant到就黎暈，到依家我仲記得chanting被人呃嘅感受，一切一切，我都銘記於心，未敢忘記。
心裹嘅感情有好多好多，有啲難以用文字形容，更有啲唔敢用文字記低。但系依啲情緒中，佔去我思緒最多，令我最為開心嘅就系對大家包容我嘅感激!有時候我會成日出去開會，番黎時有啲情緒，燥底黑面，更甚會對啲熟啲嘅莊員發小脾氣，但你冇覺得我不知所謂，冇人會嫌我煩…...多謝大家，系你地嘅包容，令我可以從com野失敗嘅情緒中走出黎，多謝莊員比個膊頭我喊，多謝莊員嘅擁抱…….我有好多好多句多謝，卻一直搵唔到機會，就籍此同你地講啦!
於我而言，Pro p系一段酸甜俱有，幸福同苦惱參半嘅經歷，但我唔會後悔，因為pro p改變左我，更使我成長，更令我深入認識到一班好友。痛會過去，美會留下，我相信待他朝有日我再翻開日記時，依段回憶會從酒醅釀成陳年美酒。
Pro p雖chur，卻未曾有悔!
Catherine
望返二月嘅pro p, 真係完全唔知大家係點捱過黎。 prep pro p嘅一個月，大家日日夜夜都留係common，於我而言，係比Dse更chur嘅日子。
Prep pro p可以話係我踏出comfort zone嘅第一步。以往考試都唔會通頂嘅我竟然可以大家一齊捱過一晚又一晚嘅通宵去整dec，每日食lg7頹飯，日日好似坐係廢紙堆到做野，但每當見到大家辛辛苦苦砌出黎嘅dec同game係靚係好玩，做D咩係都值得嘅。
緊接著嘅係我地預備左整整一個月嘅pro p。呢兩星期我地每日要七點幾起身搬野開counter，每日兩次chanting，開完counter又要開會檢討同準備第二日嘅野，係呢個月，我第一次感受到要有米飯落肚先有能量去郁嘅感覺。
Pro P，係缺乏任何一位莊員嘅付出都唔可以成功嘅事。
雖然兩個月以黎有血有淚，但十三個唔識，性格唔同嘅人合力完成左我眼中嘅壯舉，的確唔係一件易事，而且亦會係大學其中一段最難忘嘅兩個月。
感謝有這樣的一班莊員。
Hin
Nicole
正如好多曾經上過莊嘅人所講，Prop係上莊入面最chur嘅事。通宵整dec整games、chanting chant到失聲、瘋狂yo人……自問自己唔係一個chur得起嘅人，prop除左比我辛苦、辛苦同辛苦之外，令我撐過左prop到而家係到寫感想全賴成班莊員一齊共同進退！
試過驚自己成日講野，太嘈太煩而轉牛角尖；試過質疑自己嘅能力，諗過退莊；試過自己躁底唔覺意地向莊員發脾氣……但慶幸成班莊員不嫌其煩，唔嫌我「bi li ba la」，有時甚至同我一齊瘋癲，一齊「打交」，一齊girls talk。多謝大家。
呢幾個月期間，摩擦當然少不了，但感謝咁多位莊員嘅包容。由13個唔同性格嘅人組成Synergy呢支莊，一齊經歷過prop，polling，到最後成功上莊，大家辛苦了！無悔上莊，無悔堅持，一個Prop承載住大家對上四蛇莊嘅熱誠，見證住大家有淚有汗嘅日子！Prop呢幾個月嘅回憶我相信我永遠都唔會忘記，唔會忘記同成班莊員笑過喊過嘅日子，願一年後，Synergy 13個人開開心心，齊人落莊！
Pro P感言，如果話想一句囊括晒，無過於兩個字：好攰:)。
辛苦究竟係咪值得呢？得，又得到啲咩呢？得到幾多呢？
你話而家問返我，其實我依然係一頭霧水，甚至可以話我都唔知自己究竟做咁多嘢嚟為乜。。。
我淨係知，我做得好開心。
每一個dec，每一個game，我都係為咗自己而做出嚟，我同自己講，我要做到最好，我要做到自己都好中意，又或好想玩，先會滿足。
我好驚因為咁奄尖而會令到大家辛苦，但當我停低手上嘅工作，望向同我一齊奮鬥嘅莊員嗰時，我都總係見到大家嘅笑臉，總係見到，大家互相支持嘅場面，以及共同進退嘅決心。
我知道，我地會成功，我地會得到比我地想像中更高嘅回報。
不過我無留意過，回報究竟幾時出現過，以咩嘅形式出現過。。。
我淨係見到，開心嘅，唔只我一個人，仲有12個~~~
Ewan
小白
原來話咁快2016年已經過左4個月…
呢四個月應該係最多同莊員相處嘅時間 初初一月同莊員唔太熟識但大家為左pro p 互相不計較地付出，Pro-P 攤位上面嘅每一塊紙皮每一張膠紙每一粒螺絲都係13位莊員努力嘅見證:) 到2 月嘅Pro-P 個個要放下自己面子唔yo變到yo 向外R 人 瘋狂msg 叫人黎玩叫人黎投票叫人黎chanting R 得一個得一個 之後又日chant 夜chant 叫到聲沙繼續叫，最後個個樣又殘、聲又爛 到有時候真係唔知做黎為咗啲咩 ，但停一停諗一諗辛苦得黎嘅快樂同埋莊員嘅熱血 仲有好多人嘅讚賞同支持 ，一切都係值得嘅:):) 雖然Pro-P 期間仲有一啲令人不快嘅片段 但呢啲都係經歷 係13個一齊成長嘅經過:D 我相信黎緊一年嘅莊期會令大家變得更懂事 合作得更好 xd Synergy 加油! 四蛇加油!
因為Pro p而經過既呢兩個月，有起有跌，有喜有悲，都發生好多事，真係好難用短短既話語簡單表達自己呢兩個月同莊員們一起成長既感受。
「讓我有個美滿旅程」，的確，開始準備既時候一直懷抱著這個夢想進發。我既態度好簡單，能夠與一班莊員做一世既朋友，就足夠了。或者我太過急進吧，這使我與莊員們一開始既關係並不多好，加上工作上既矛盾同觀念上既不同，我或是成支莊最多問題的那一個。其實，我想講既係，或者我係衰，我係懶，但係我為莊員好既心係唔會變。一直一直，都希望能夠一齊做一班死檔，直到永遠。
其實我都好感性，時常都發生一d感性上既問題。多謝莊員們每一次既容忍、體諒，同關懷，讓我慢慢成長。
說真的，現在我覺得我們的關係真的變得更好了。一齊繼續努力吧！我會當你們是我人生中很重要的人啊:)
為甚麼我沒有有關Pro p實感上辛苦的感想？
這，重要嗎？